વાદળ ગડગડે

આભમાં વાદળ ગડગડે,

વીજળી વાહક કડકડે ! 

નાદમાં વાદળ ગડગડે, 

વીજળી વાહક કડકડે ! 

વાયરે દામન સરસરે, 

અંધકારે રસ ઝરમરે, 

રાતમાં વાદળ ગડગડે, 

વીજળી વાહક કડકડે ! 

માંહ્યલે ચાહત ગણગણે, 

ચોતરફ શ્રાવણ રણઝણે, 

ગાજમાં વાદળ ગડગડે, 

વીજળી વાહક કડકડે ! 

આંગણે મયૂર થનગને, 

ચાતકે ઠરતાં તનમને, 

ભારમાં વાદળ ગડગડે, 

વીજળી વાહક કડકડે ! 

સાગરે સરિતા જલ ઢળે, 

કોકિલા અવની તલ ફળે, 

વ્હાલમાં વાદળ ગડગડે, 

વીજળી વાહક કડકડે !