બાંધી શકી ક્યાં ?

ખૂટતી જાતી સમયથી,

લાગણી બાંધી શકી ક્યાં ?

દૂભતી જાતી હૃદયથી,

લાગણી બાંધી શકી ક્યાં ?

કાંતતા જીવાય કેવું ?

સાંધતાં ઝીલાય કેવું ?

ફૂગતી જાતી વિષયથી,

લાગણી બાંધી શકી ક્યાં ?

આવનારાં જાય જાણું,

તાગતાં સંતાપ તાણું,

ઝૂકતી જાતી મલયથી,

લાગણી બાંધી શકી ક્યાં ?

સાચતાં અંજામ ભાળું,

રાચતાં ક્યાં જાત બાળું ?

ગુંચતી જાતી પ્રણયથી,

લાગણી બાંધી શકું ક્યાં ?

કોકિલા ઓકાત ઢાળું, 

હારતાં ક્યાં જાત બાળું ? 

બૂઝતી જાતી જ વયથી, 

લાગણી બાંધી શકી ક્યાં ?