નભ ગળતાં

વાદળ નામે કાગળ લખતાં,

ચોમાસાથી નભ ગળતાં !

ઝાકળ ગામે કાગળ લખતાં,

ચોમાસાથી નભ ગળતાં !

દોડ્યા પવનો પકડી લેતાં,

હરખી જલ ટપટપ પડતાં !

ફાગણ સામે કાગળ લખતાં,

ચોમાસાથી નભ ગળતાં ! 

તપતી અવની નાં તપ કથતાં, 

થાકી ઊંડા જળ મથતાં ! 

શ્રાવણ હામે કાગળ લખતાં, 

ચોમાસાથી નભ ગળતાં ! 

નાના - મોટાં સૌએ ન્હાતાં, 

સરિતા સાગર છલકાતા ! 

સાગર ઠામે કાગળ લખતાં, 

ચોમાસાથી નભ ગળતાં ! 

વરસાદે મયુરા થનગનતા, 

'કોયલ' ચાતક જલ પીતાં ! 

ઠાકર ધામે કાગળ લખતાં, 

ચોમાસાથી નભ ગળતાં !