સ્વભાવથી નોખાં

બાગમાં ખીલેલાં પુષ્પની આ વાત છે,

આપણા જ જીવન પુષ્પની આ વાત છે.

સરખાં તો એવાં કે જોનાર ભ્રમિત થાય,

સ્વભાવથી નોખાં એવાં પુષ્પની આ વાત છે.

સ્મિત વેરે તોય કોઈ પાસે આવે નહીં,

એકલા ઝૂરતા એ પુષ્પની આ વાત છે.

એક પુષ્પ એવું કે પતંગિયાથી પ્રીત કરે,

બીજાને નડે પ્રકૃતિ એવા પુષ્પની આ વાત છે.

બાગ પણ એક ને માળી પણ એક જ છે,

છતાંય રહ્યાં ભિન્ન એવા પુષ્પની આ વાત છે.

વાંક અહીં કોનો એમ વિચારીને પછી,

કર્મને દોષ દેતા પુષ્પની આ વાત છે.