સ્નેહની સરવાણી

સ્નેહની સરવાણી હૃદયમાંથી નીતરે,

સ્મરણનો દરિયો આંખમાંથી નિખરે,

દબાઈ જશે અહંકાર પળવારમાં,

મારાપણાનો ભાવ જો હૃદયે ઊભરે,

સ્વાર્થ વગરના ચહેરાઓ ચમકે,

જો નિ:સ્વાર્થની વાદળીઓ નિરંતર તરે,

સાહિલ કિનારે તો જ પહોંચે છે,

સતત ભાવ સારો હોય ભીતરે,

તું બાંધજે સત્કર્મની ગઠરી મુસાફિર,

ધર્માત્માના ખોટા દેખાડા શીદને કરે,

કરુણાથી ભર્યુંભર્યું હૃદય હોય તો,

સ્નેહ સરવાણી અક્ષર ગંગા પાર કરે.