સ્નેહની ફિરકી

એકદોર છૂટી એ આજે પતંગની,

પ્રેમ સાથે એક થયેલી લગનીની,

આરંભે લડવું પડે આપણે ખરૂં,

બાકી ટોચે તો ઢીલને ખેંચ જેવું,

હાથ દુઃખે એ ભલે ઠુમકા મારી,

ના છોડું એ પતંગ એય મજાની,

કિન્ના પેઠે સહુ બંધાયાં આજે,

સંબંધો હર્યાભર્યા રાખે સદાયે.

સાથ મળે જો પોતીકાંનો ઘણો,

પતંગ પેઠે પહોંચાડે આસમાને,

પતંગ તો એક બહાનું એ ન્યારૂ,

વાલમને સંગ રહેવાનું એ ટાણું.

તું ચગાવ હવે પ્રેમનો એ પતંગ,

હું બનીશ તારી સ્નેહની ફિરકી,

પ્રેમનો એ સંદેશ જો પતંગ બંને,

કપાય કદીક પણ કિન્ના ન છોડે !