શું ફેર પડે ?

હો હકીકત કે કલ્પના શું ફેર પડે ?

વિચાર સારો હોય તો શું ફેર પડે ?

એના હોવાના પુરાવા હો કે ના હો,

માત્ર હો આભાસ તોય શું ફેર પડે ?

બધું બંધ બેસે તમારા મન મુજબ,

ન બેસે અગર તો અમને શું ફેર પડે ?

બંધ આંખે સોણલાં ઘણાં જોયાં છે,

બધાં ન બને હકીકત તોય શું ફેર પડે ?

ઠામ મળ્યું છે સ્વર્ગ સરીખું બધાં ને,

વાસ્તવમાં હોય કે નઈ શું ફેર પડે ?

અર્શ પર અઝાન થાય ફઝરની રોજ,

કોઈ નમાઝ પઢે ન પઢે શું ફેર પડે ?

"બંદગી" કરવી હો અગર ક્યાં કશું નડે,

ઈશાનો વખત કે અડધી રાત શું ફેર પડે ?

- તીર્થભાઈ સોની "બંદગી"

રાજકોટ