રક્ષાબંધનનું ફૂલ

લાગણીની ડાળે 'રક્ષાબંધન' નું ફૂલ બેઠું,

આજ ભાઈ-બહેનના પ્યારનું સાચું કુળ દીઠું !

પ્રેમ અને લાગણીનું, અનોખું અમી સર્જન,

એથીય અનેરું 'રક્ષાબંધન' નું પ્યારું બંધન !

બાંધેલો હિરના દોરમાં, એક અનોખો સાર,

ભીંજાઈ ને તરબતર થાય, એમાં

ભાઈ - બહેનનો પ્યાર !

રક્ષા કાજે બહેન બાંધે કાંડે રેશમી દોર,

બહેન કાજે ભાઈ પાડે 'આશીર્વાદ' ના નહોર !

ફૂલની પાંખડી રૂપી, પૈસામાં હોય છે અનોખી ફોરમ,

કરી દે સુવાસિત એની સુગંધિત સોડમ !

આવ્યો મહામોંઘો 'રક્ષાબંધન' નો તહેવાર,

યથાશક્તિ સૌ નિભાવે પોતાનો વ્યવહાર !