રહેવા દો

આ મગજમારી રહેવા દો,

લાગણી કોઈ નહીં સમજે;

તુલના ઉંમરની કરવી રહેવા દો,

જવાનીનાં જોરમાં,

આમ હડધૂત કરવું રહેવા દો;

પાનખર છે તો ખરશે એક દિન,

પછી યાદ કરો એ શું કામનું ?

સર્વગુણસંપન્ન કોણ છે અહીં ?

એ વાત સમજો તો જરા,

લાચાર બની જીવે વૃધ્ધો અહીં,

હૈયાની હૂંફ માંગે છે જરી;

ભાવના એમની સમજો તો ખરા,

મૃત્યુ બાદ પરબ બંધાવે શું કરવું ?

જીવતાં જ આંતરડી ઠારી જુઓ;

એમજ શાંતિથી રહેવા દો હવે,

દુનિયાને બતાવવા કરતાં,

એકવાર એમનાં સમયે ચાલી જુઓ

તો જ કિંમત સમજાશે ખરી.