પ્રેમનું યુદ્ધ

ના જાણે કેવું આ અજબ યુદ્ધ છે,

પ્રેમ અને લાગણી પણ છે ને નફરતની આંધી પણ છે,

ઝંખે તો છે સદૈવ આ જીવ માત્ર શાંતિ,

પણ કોણ જાણે કેમ મળે ચારે દિશામાં એને અશાંતિ,

મન થાય અશાંત ને જીભ બને તલવાર,

ના જાણે કેમ આ અજાણ્યું યુદ્ધ થાય કેમ વારંવાર,

જ્યાં સ્નેહને લાગણીના તાલ વાગવા જોયે ત્યાં

અપમાન ના ઘા વાગે અણીદાર,

રહે પ્રેમ ને લાગણી હૃદયમાં કરીએ એક જ વિચાર,

છૂટે પ્રેમના બાણ ને થાય માત્ર લાગણીઓથી પ્રહાર.