પ્રેમ

પ્રેમની રાહે 'અજીજ' ચાલી પડ્યો છું,

કે જાણે તમારા પડછાયે જ જડ્યો છું.

પ્રેમના મધુર સ્વર હું છેડી રહ્યો છું,

કે જાણે રવ તમારો જ સાંભળી રહ્યો છું.

સાથે નથી આપણે તો પણ સાથ માણી રહ્યો છું,

કે જાણે ભર ઉનાળે મૃગજળને પકડી રહ્યો છું.

આ સબંધોની માયાજાળ ઉકેલવા મથી રહ્યો છું,

કે જાણે તમારા નામની એક ગૂંચમાંં જ ગૂંચવાયો છું.

નવા જનમમાં ફરી મારા 'અજીજ' મળવા માંગું છું,

કે જાણે તમારા જ આતમનો પડછાયો બનવા માંગું છું.