પાનખર પ્રકૃતિ અંગ

કલમ અધીરી છે લખવા શબ્દો જરાક પાનખરના,

કર્ણ મારાં ઉમંગમાં છે શબ્દો સુણવા પાનખર ના.

જીવનની મોસમ છે કંઈક ઋતુઓ જેવી,

પાનખરની વિદાય થાય ને વસંતની શરૂઆત એવી.

પીળા પાંદડા સરતાં થકી જ ભૂમિ સુવર્ણ બનતી હોય,

જીવનની ઘટમાળ મહી, અહીં સુખ દુઃખ તો સોહાય.

કુદરતની કળા કળીમય જીવનને પોષતી,

પાનખરની વેળા પલભરમાં ખુશીઓ શોષતી.

જોવાં નયનો મારા તરસ્યા પાનખરની કરામત,

અધીરી બની છું, જોવા પાનખરની શરારત.