જિંદગી

મારી સહિયારી સફરનાં રાહ છે અનોખાં;

રાહ મુજની છે, રાહબર મારાં છે અનોખાં,

હસતાં મુખ સંગે શરુ થઈ જિંદગી;

સુખ દુ:ખની સંગે હું વિતાવી ગઈ જિંદગી,

મજલ મજાની રહી એની કોઈ સહી રહી નથી;

શમણાંની જિંદગી વીતી, એની કોઈ ખુશી રહી નથી,

મિત્રોની મહેફિલમાં માણી છે જિંદગી;

સ્વજનોનાં સહકારથી શાણી છે જિંદગી,

ચમનમાં પુષ્પ બની ખીલ્યાં'તા અમે;

વિનાશ કેરો પ્રલય બની મુરજાયા'તા અમે,

બદલતી ઋતુઓ સંગે અનેરી છે આ જિંદગી;

જાણે પાનખરની ઉત્સવ કેરો વસંત લાવી જિંદગી,

ખૂદને ખોઈ દેતી આ જિંદગીના ઝરણામાં;

શૈશવનાં સંસ્મરણો જીવંત બન્યાં, જિંદગીના શમણાંમાં.