ઓ ભગવાન

ઓ ભગવાન સાચું કહો તું કેમ રિસાયો છે રે,

તારી કૃપા વિના ટળવળતા સહું જીવો;

 હવે તો રહેમ કર.. ઓ ભગવાન.

અમથો અમથો તું રિસાય, તારી રિસમા આ જગત પીસાય,

ચોગમથી મૃત્યુનાં વાગે છે ડાકલા;

અબોલ જીવો ને માનવો પોકારે.. ઓ ભગવાન...

ઘર ઘરમાં અન્ન રઝળે ને મોત જંગ જીતી જાય,

તારી કૃપા વિના કેવી રીતે રહીશું હેમખેમ રે... ઓ ભગવાન..

સકળ વિશ્વમાં મહામારીથી કરતાં સૌ કલ્પાંત,  

એમાં આ વાવાઝોડું હવે તો શાંત કરી દે આ તોફાન;

તારાં જ બાળકોને દિલથી માફ કર... ઓ ભગવાન..

કર જોડીને ભાવના વિનવે અપરાધો કરો સહું માફ,

ભગવાન તારી શરણમાં આવ્યા છીએ.... ઓ ભગવાન.

હોસ્પિટલમાં અને સ્મશાનમાં સન્નાટો રે છવાયો,

ભયના ઓથારમાં ધ્રૂજે હર જીવો..

ઓ ભગવાન હવે તો રહેમ કર.