મારા હરિ
મારા હરિ
1 min
409
મારા હરિ હરપળ મારું ધ્યાન રાખે,
કરું અરજી કદી તો મારું માન રાખે,
ઝંખના ઊભયની એકમેકને પામવા,
એથી જ પરસ્પર એવું નિશાન રાખે,
ન ચૂકે અવસર કદી સાદ સાંભળીને,
પૂર્ણ કરે પરમેશ ભક્તની શાન રાખે,
ફૂલે ગજગજ છાતી વાત આવતાં,
થાકે ન વખાણતાં એવી જુબાન રાખે,
શું કહું વાત એની સર્વસ્વ છે મારે તો,
પ્રાર્થના સાંભળવાને સરવા કાન રાખે,
આપી અઢળક ને થોડું દીધાનું એ કહે,
મને એનામાં સર્વદા એ મસ્તાન રાખે.