ક્યારેક

ક્યારેક કંઈક કોઈ સ્વાર્થ હોય છે,

ક્યારેક કંઈક નિસ્વાર્થ હોય છે,

ક્યારેક લાગે મન ઘેરાયેલું અંધારામાં,

ક્યારેક તો એ ખાલી રાત હોય છે,

ક્યારેક કરે કોઈ વાયદાઓ જન્મોજન્મના

ક્યારેક તો એ ખાલી વાત હોય છે,

ક્યારેક હેડકીઓ ઉપડે અમથાજ,

ક્યારેક એ કોઈની યાદ હોય છે,

ક્યારેક ભીંજાય આ આંખો અમસ્તી,

ક્યારેક કોઈની યાદોનો વરસાદ હોય છે,

ક્યારેક ગમી જાય કોઈ પહેલી નજરમાં,

ક્યારેક એ દિલનો આભાસ હોય છે,

ક્યારેક કરી લે છે કોઈ દિલથી વાતો,

ક્યારેક તો માત્ર આંખોનોજ સંવાદ હોય છે,

સૂર્ય ભલે તપતો આખો દી' ભરપૂર,

રાત્રે તો માત્ર 'દીપ'નો જ અજવાસ હોય છે.