કલ્યાણ કરતી છે કણી
કલ્યાણ કરતી છે કણી
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ઉલ્લાસ ઉર, અઢળક જણી, સૌ વાંચજો પુસ્તક સદા,
મન બુદ્ધિના પોષક ગણી, સૌ વાંચજો પુસ્તક સદા.
વાંચન થકી નૈરાશ્ય ટળતું, સાંપડે સાચી દિશા !
પથ જ્ઞાનનો લેવા લણી, સૌ પુસ્તક વાંચજો સદા.
છે મિત્ર એ અણમોલ, લો લખલૂટ એનો લાભ સૌ,
કલ્યાણ કરતી છે કણી, સૌ પુસ્તક વાંચજો સદા.
દો ભેટ સૌને શુભ પ્રસંગે, માનશે એ બંદગી !
જીવન થશે પારસમણી, સૌ પુસ્તક વાંચજો સદા.
વાંચી અને વંચાવજે 'શ્રી' પ્રેરણાની છે પરબ !
હરતાં તિમિર થઇ ને તણી, સૌ પુસ્તક વાંચજો સદા.