કહેવાય નહીં

એ મને શું ફાવશે કહેવાય નહીં,

એમને શું ભાવશે કહેવાય નહીં.

ભલે ને રસ્તા બદલતો હું રહું,

તું જ સામે આવશે કહેવાય નહીં.

જમાવટ તો રોજ એવી હોય છે,

આજ વરસાદ આવશે કહેવાય નહીં.

આમ તો એ મૌન છે વરસો થયાં,

બોલશે બોલાવશે કહેવાય નહીં.

રહે છે મુક્ત સુખને દુખથી,

બંધનો અપનાવશે કહેવાય નહીં.

એ સહુની બહુજ પ્યારી છે છતાં,

મહેંદી કેવી આવશે કહેવાય નહીં.

હસાવે એ શરત છે "રશ્મિ"ય થી.

તે છતાંય રડાવશે કહેવાય નહીં.