હોય મનની ચાહના
હોય મનની ચાહના
1 min
282
હોય મનની ચાહના તરસ છૂપાવવાની ને મૃગજળ મળે,
ને રાહ રણની પકડો તો અચાનક દરિયાના વમળ મળે !
ન કરશો અવમૂલ્ય કદી નજરથી બુરી દેખાતી હર ચીજનું,
અચાનક મોસમ બદલે ને કાદવમાં ખીલેલા કમળ મળે !
હોતો નથી કદી એ જેવો દેખાય એવો બહારથી શાંત આદમી,
છંછેડો જરાક લાગણીને ભીતર ભભૂકતું લાવાનું જળ મળે !
નગર આખું એક રમત રમી રહ્યું સભ્યતાનો ઓઢી ચહેરો,
ને વનમાં લીલી નિર્દોષતા વચ્ચે એકાદ વસ્તી સરળ મળે !
ચાહના તો હોય છે હર કોઈની અલગ જ નિયતિથી અલગ,
કરે કર્મ અલગ ને સૌ કોઈને એનું અલગ અલગ ફળ મળે !
એક 'પરમ' ચાહના જન્મો જન્મોથી પંપાળી રહ્યો માંહ્યલો મારો,
તને જોઈને 'પાગલ' થાઉં પળ પળ ને આ જીવને કળ વળે !