હળવાશ ૩૮

ધોમ ધખતા તાપને ભીનાશની પીડા હશે,

પાનખરનાં પર્ણને લીલાશની પીડા હશે.

છે તહોમત દ્વારને ઓજલ વિશેની એ છતાં,

બંધ રે ' તાં ઓરડે આકાશની પીડા હશે.

દૂરથી લૈલા અને મઝનું સમાં દેખાય પણ,

કૈક સગપણમાં હજી કડવાશની પીડા હશે.

આમતો દોડ્યા કરે મનખો અનેકે કર્મ લઇ,

જીવના અસ્તાચળે નવરાશની પીડા હશે.

આ કિનારો રોજ કરશે મીઠડી વાતો ભલે,

પણ સમંદરમાં બધે ખારાશની પીડા હશે.

શ્વાસ ખૂંટયાની બને ઘટના અચાનક દેહમાં,

એ પછી આ લાશને 'હળવાશ'ની પીડા હશ