હેપી રાંધણ છઠ્ઠ

આજે આવ્યો રાંધણ છઠ્ઠનો દિન રે

ઘરે ઘરે તાવડી મૂકાય રે;

નિતનવા વ્યંજનો બનાવાય રે.

ક્યાંક ઢેબરાં, તો ક્યાંક વડા,

ક્યાંક પુરીઓ તળાય જુઓ રે;

હરખે હૈયે રસોઈ બને રે.

ક્યાંક હાંડવો, તો ક્યાંક મુઠીયા,

ક્યાંક દહીંવડા બનતાં રે;

સાથે કુલેરનો લાડુ, સુખડી બને રે.

ભાવના ભાવથી વાનગીઓ બને,

શીતળા માતાને ધરાવવા માટે;

ચાખ્યા વગર ડબ્બામાં ભરે રે.

ક્યાંક બને સૂકાં શાકભાજી રે,

તો ક્યાંક ભજીયા બને રે;

જેને જેવું ભાવે એ બનાવે રે.

રાંધણ છઠ્ઠે રસોડું ધમધમે રે,

ઘરમાં સુગંધ પ્રસરી જાય રે;

રાંધણ છઠ્ઠ એક લ્હાવો છે રે.