ગુલાબી પરબીડિયે
ગુલાબી પરબીડિયે
1 min
296
મેં ગુલાબી પરબીડિયે
મહેંકતી સવાર મોકલી છે
છે મનોચિત્રણ વળી, રંગવિહીન !
પરબીડિયે સજાવી મેં મારી કહાની મોકલી છે
હોય સ્વીકાર તો ભરી દો રંગો !
એ વહેતા ઝરણાંમાં ! એ હિંચતઃ ઝુલામાં !
એ ચહેકતા પંખીઓમાં ! એ મહેંકતા ફૂલોમાં !
કઈંક રંગ જીવનના..સોનલવર્ણા !
મેં ગુલાબી પરબીડિયે.
તુજ સંગ જીવન-મરણના કોડભરેલી !
કઈંક ધડકતી આશાઓ મોકલી છે.
હોય સ્વીકાર તો કરી દો પૂરી !
કઈંક આશ જીવનની... સોનલવર્ણી !
મેં ગુલાબી પરબીડિયે
મહેંકતી સવાર મોકલી છે