એક મસો

એક મસો માણસને હતો નહતો કરી દે છે,

એક મસો અસહ્ય વેદના આપી દે છે.

દરદ તો એવું કે ના સહેવાય કે કહેવાય છે, 

સુખ-સમૃદ્ધિનો સહારો પણ નકામો બને છે.

મસો એવો કે ના બેસાય કે ના સુવાઈ છે.

એક મસો જબરો ઉધામો મચાવે છે.

એક મસો હટ્ટાકટ્ટા ને પણ રાડ પડાવી દે છે,

એ મસો માણસને પરવશ બનાવી દે છે.

એક મસો ભલભલાને ભૂ પીવડાવે છે,

મૌન બની સહેવાય નહીં ઉંહકારા ભરાય છે.

એક મસો જબરો પરેશાન કરી મૂકે છે,

શબ્દથી વર્ણવો અઘરો એવો આ મસો છે.