એ પામર જીવ

એ પામર જીવ સમજી લે,

કાળ બનીને સમજાવું છું,

મારી રચેલી સૃષ્ટિ ને,

પલભરમાં વિનાશ કરૂં છું,

એ પામર જીવ સમજી લે,

કુદરતી આફત સર્જી સમજાવું છું,

દયા રાખો, સત્કર્મો કરો,

તો જ હું રીઝાવું છું,

ગમે એટલી હોશિયારી વાપરો,

જન્મ, મરણનો દોર હાથમાં હું રાખું છું,

ઓ પામર જીવ સમજી લે,

કઠપૂતળિયો છો મારાં હાથની,

ધારૂ એમ જ નચાવુ છું,

સ્ત્રીની કોખે જન્મ લઈને,

સ્ત્રીને ભરબજારમાં વેચતો રે,

નાની કૂમળી કળીને ચૂંથી હેવાન થાતો રે,

તારાંજ કર્મોના ભારથી આ સમય આવ્યો રે,

માણસાઈ ભૂલી હેવાન થાતો રે,

ત્યારે પૃથ્વીએ પોકાર પાડ્યો રે,

ઓ પામર જીવ સમજી લે,

ભાવના ભૂલી, ધર્મ ભૂલી, આડંબર કર્યા રે,

ધર્મના નામે ધતિંગ કરીને લોકોને ઠગ્યા રે,

માનવ થઈને અવળાં ધંધા કીધાં રે,

સાચો ધર્મ માનવસેવાનો એ કેમ વિસરાયો રે,

ઓ પામર જીવ સમજી લે,

કાળ બનીને સમજાવું છું.