દોસ્તી

જિંદગીના દસ્તાવેજમાં દોસ્તોની

સહીઓ ક્યાંક ખોટી થઈ ગઈ,

વસી ગયા “અમે” શું બીજા શહેરમાં,

બધી જાણે પરદેશી થઈ ગઈ !

ખબર ન લીધી મેં એમની કે તેઓ

ભૂલી ગયા મને ? સહેલીઓ

બધી મારી અજાણી થઈ ગઈ !

દુનિયા સમાવી લીધી બસ, ગૃહસ્થીમાં જ

કેવી હું બધાથી અલગ થઈ ગઈ ?

ચહેરા બદલાઈ ગયા છે હવે બધાના,

મળશે તો ઓળખાય છે કે કેમ ક્યારેક

રસ્તામાં, આ મનને મોટી મૂંઝવણ થઈ ગઈ !

જિંદગીના દસ્તાવેજ માં દોસ્તોની

સહીઓ ક્યાંક ખોટી થઈ ગઈ !