ચુંદડી

    

ચુંદડી રે, મારી નવરંગી ચુંદડી...

પહેલી ચુંદડી મુને બાપુએ ઓઢાડી,

ગુલાબી કોર ને ફુમતું ગુલાબી 

ઠુમકતી ચાલુ હું, બાપુની ઢીંગલી.

        ચુંદડી રે, મારી નવરંગી ચુંદડી.

બીજી ચુંદડી મુને વીરાએ ઓઢાડી,

જ્યારે હાથે બાંધી મેં રેશમની દોરી,

વીરાની હું તો વહાલી બેનડી.

       ચુંદડી રે, મારી નવરંગી ચુંદડી.

ત્રીજી ચુંદડી મુને માડીએ ઓઢાડી,

સફેદ પાનેતર ને કોર સોનેરી,

ઓવારણ લઈને મુજને વળાવી.

       ચુંદડી રે, મારી નવરંગી ચુંદડી.

ચોથી ચુંદડી મુને પીયુએ ઓઢાડી,

લાલ રંગને ભાત લીલી પીળી,

શરમાતી હું તો જાણે લજામણી.

      ચુંદડી રે, મારી નવરંગી ચુંદડી.