..."છે"...

‎નાનકડો અક્ષર વાક્યના અર્થો બદલાવી શકે ,સમયનો વર્તમાનપ્રવાહ બતાવે,વળી હકારાત્મકતાસૂચક,માત્ર એક ? અથવા . ચિહ્નથી વાક્યનો સૂર બદલી જાય,માણસના જીવંત હોવા ન હોવાનો ય દ્યોતક.

નાનો અમથો છેવાડે 'છે'

શબ્દોના એ સીમાડે 'છે.'

ઠાઠે બેસે કેવો છેલ્લે !

એને 'માતર' ટેકા દે 'છે.'

પૂછો તો ? પ્રશ્નો ઊઠાવે

બાકી પૂરા વીરામે 'છે'.

નાને હા માં બદલી નાખી

ઉમ્મીદોને જીવાડે 'છે.'

પળપળની આવનજાવનમાં

આજે જે છે અત્યારે 'છે.'

જીવનને મૃત્યુ સંદર્ભે

અટકળ જેવું દેખાડે 'છે.'