ચાલી કાગળ પર કલમ
ચાલી કાગળ પર કલમ
ચાલી કાગળ પર કલમને અવિરત હરજ બની ગઈ,
છંટાતા શબ્દોની છાંટમાં કોઈના જીવનની ગઝલ બની ગઈ,
ઢાળી છે જિંદગીને અઢળક એવા ઓથે,
સમરતા હર સંબંધોની સાંકળને ગઝલ બની ગઈ,
શોધ્યા છે છીંપલાં સાગર તટે બેઠા ઘણી વેળા,
મોજાની મોજ માણતા સમયની કસર પડી ગઈ,
જાણી નહોતી ખુદને જ ભીતર આવી ઓળખ,
કદીક એકાંતને ફંફોસતાં કંઈક ખબર પડી ગઈ,
કલાને ઉધઈ ખાવા દીધી'તી ઘણાય વર્ષોથી,
એ જ શબ્દોની હારમાં આજ ગઝલ બની ગઈ,
ખોલી છે ગાંસડી ઘણા પૂર્વ સમયની મિત્રો આજે,
છપાયેલા કેટલાય ચહેરાઓને ભણતા ગઝલ બની ગઈ,
પૂછે છે હૃદય મારું જ મુજને હર પળ,
કેટલીય યાદોને વાગોળતા ભાવેશ ગઝલ બની ગઈ.