ભારત

છે નિરાળી આ જગતમાં ભવ્ય ભારત સંસ્કૃતિ,

છે મજાની આ જગતમાં ભવ્ય ભારત સંસ્કૃતિ,

ગર્વ છે, અભિમાન છે, અવતાર ભારતમાં મળ્યો,

છે ગુમાની આ જગતમાં ભવ્ય ભારત સંસ્કૃતિ,

સૂર્યસમ એ ઝળહળે છે તેજથી ચોગમ જગે,

છે સુહાની આ જગતમાં ભવ્ય ભારત સંસ્કૃતિ,

માંગલિક કાર્યો તણો ઉત્સાહ છે એમાં ભર્યો,

છે પુરાની આ જગતમાં ભવ્ય ભારત સંસ્કૃતિ,

અન્ય લોકો પણ અહીં ખેંચાય જોઈ ભવ્યતા,

છે ગજાની આ જગતમાં ભવ્ય ભારત સંસ્કૃતિ.