અનોખું બંધન

વાતો એ આપણા બચપણની ઘેલુડી, 

એય, ભઈલા ! નાની'સી બેની યાદ છે તને ?

રહી ગઈ માત્ર એ યાદોની ધૂંધળી ગલી,

રમતા'તા જ્યાં ગિલ્લી ને દંડો ભેગા મળી.

ગળી ગયો સમયનો સર્પ એ નટખટ નાદાનિયત,

કરતા'તા ખોટી ફરિયાદ જ્યાં એકબીજાની બાને.

ફરી વળ્યો ધુમ્મસ એ માસુમ મસ્તી પર,

ડરાવતા'તા ભાઈ જ્યાં ભૂત બની બેનને.

વહી ગઈ એ વાતો વહેણ બની ઉમરની,

બનતો'તો ઢાલ ને ઉગારતો એ બહેનને. 

બની ગયું એ સ્વપ્ન આપણાં એ બંધનનું,

કરતાં'તા વાતો મઝાની જયાં એકબીજાને.

વાતો એ આપણા બચપણની ઘેલુડી, 

એય, ભઈલા ! નાની'સી બેની યાદ છે તને ?