અમીના ઓડકાર

મારી આંખે અમીના ઓડકાર,
શરમના શેર ડે મારી અધૂરી ઓળખાણ...

મારા અંબોડે ગુલાબની વેણી,
નાકને નકશે નથણી રુમઝૂમે...

વાય રે લહેરતી મારી કાળી લટો,
પહેરું પીતાંબર કેરુ ઓઢણું...

ઝગમગતા સેંથામાં કંકુ કેસર આડ,
લલાટે ઝગમગતો તારલિયો...

કેડકંદોરોને બાજુબંધ કમખાની જોડ,
લીલુડે પાલવે લીધી છે વેલ...

ચોલીની કસો ફરફરે, આજ વાલમ સંગે છે; મુલાકાત,
મારું હૈયું નથી મારે હાથ... કેમ કરીશ વાલમ સંગ વાત.

તમે હોંકારો દેજોસંગ સાથ,
તમે હોંકારો લેજો સંગ સાથ.