આવ્યાં ચેહર મા

આવ્યા જે દિ' અડાલજ ઘરમાં ચેહર મા,

એ દિ' અવસર આવ્યો રૂપાબાનાં જીવનમાં, 

જે દિ' નાયણા નાગરે પડદે વાતો કરી મા,

એ દિ' એ પેઢીઓ તારવાનું વચન આપ્યું મા,

જે દિ' અંતરચક્ષુ એ દીઠાં સાક્ષાત ચેહર મા,

એ દિ' અલૌકિક લ્હાવો મળ્યો હતો મા,

જે દિ' ગોરના કૂવે તારાં પગલાં પડ્યાં મા,

એ દિ' આંખોએ પામ્યો અવસર રૂડો મા,

જે દિ' ભાવથી હોઠેથી બોલાયું ચેહર મા,

એ દિ' શબ્દોએ ચાખ્યા અવસર મા,

જે દિ' આવ્યો તારો પ્રાગટ્ય દિન મા,

એ દિ' માઈ ભકત રમેશભાઈએ મહોત્સવ ઉજવ્યો મા,

આમજ ભકતોની બેલી બની તું આવી મા,

એ દિ' જાતરનાં અવસર રૂડાં થયાં છે મા,

જે દિ' ભાવના હૈયે આવી વસ્યા ચેહર મા,

એ દિ' થી કલમ થકી ગુણ તારાં ગવાય છે મા,

શ્વાસે શ્વાસે નામ તારું રટાય છે મા,

એ દિ' આનંદ અવસર આંગણે આવ્યા છે મા,

પરચા પૂર્યા સેવકોના ત્યારે ડંકો વાગ્યો છે મા, 

 કળિયુગમાં જાગતી જ્યોત એક તું જ છે મા,

મણિનગરમાંથી આખા વિશ્વમાં ડંકો વગાડ્યો મા,

એ દિ' ધરતીએ અવસર અવતર્યા ચેહર મા,

અમારાં શ્વાસ શ્વાસમાં વસ્યા તમે ચેહર મા,

અમારો આખો જન્મારો સફળ થયો મા,

આ વાત જનજનને સમજાય કે તું પાવરવાળી છે મા,

ત્યારે ભક્તો હૈયેથી બોલ્યા દયા રાખજે ચેહર મા.