આવતા રહેજો
આવતા રહેજો
1 min
519
સંબંધ સાચવવાને કોઈકવાર આવતા રહેજો તમે,
આપ્તજન જાણી દિલની વાત કહેતા રહેજો તમે,
છેટા છો આપ અમારાથી એ વાત તો સાવ સાચી,
પણ સ્મૃતિની પરસાળે કદીક ટહેલતા રહેજો તમે,
વણલખી લાગણી વહેતી રહે પરસ્પર વાતચીતમાં,
ઉરની શબ્દસ્થ દાસ્તાનને સાંભળતા રહેજો તમે,
આવો તમે તો અમને પણ ' ભીનુંભીનું ' લાગે નિરંતર,
સૂકા વેરાન રણમાં આશાતરુ રોપતા રહેજો તમે,
હળવા થઈએ હરપળે ઊભય વાત કરીને અંતરની,
શીતળ,મંદ, સુગંધી અનિલ થૈને વહેતા રહેજો તમે.