આવો મા બતાવું

આવો સેવકો તમને ચેહર મા બતાવું,

ગોરના કૂવે બેઠાં દેવી બતાવું,

એ રે ચેહર મા પરચા પૂરે છે,

માઈ ભક્ત રમેશભાઈની અરજ સાંભળી મા કામ કરે છે,

શણગાર સજી માવડી મઢમાં શોભે છે,

જાણે હમણાં કરશે મા વાત,

એ રે ચેહર મા મમતાનો સાગર છે,

નાયણા રૂપાની દેવી એવી દયાળુ છે,

મોટી આંખોવાળી બધું જ જુએ છે,

માણસોનાં મનની વાત,

એ રે ચેહર મા લીલા લહેર કરાવે છે,

ભક્તોનાં મનોરથ પૂર્ણ થાય,

ગોરના કૂવે ભૂખ્યાને ભોજન મળે છે,

આશા સૌની પૂર્ણ કરે ચેહર મા,

એ રે ચેહર કંથારીયાનું જાળું છે,

વ્હાલાં ભક્તોની સાથે રહે છે,

હાથમાં ત્રિશૂળ, તલવાર લઈ અવગુણો હરે છે,

માનવ મહેરામણ ગાંડાઘેલા થાય છે,

એ રે ચેહર મા દસે દિશામાં ઘૂમે છે,

 દેશ પરદેશમાં ડંકો વગાડ્યો છે,

સિંહની અસવારીએ ગગનમાં ઘૂમે છે,

રવિવારે સૌને મોજ કરાવે છે.