આ વાત છે

બ્રહ્માંડના એક ગ્રહની પીડાની વાત છે,

પૃથ્વી તણી એ માતના પતનની વાત છે.

હજારો વર્ષથી એને રંજાડતા રહ્યાં,

તારા ને મારા આપણા કરમની વાત છે.

દોડી રહ્યો'તો માનવી આ વિશ્વફલક પર,

થંભી ગયેલા એના જીવનરથની વાત છે.

સૂઝે નહીં એને લગીર દિશા ઇલાજની,

વૈશ્વિક મહામારીના તાંડવની આ વાત છે.

હવે લાલ,લીલા,પીળાથી ઓળખાય છે દુનિયા,

સમગ્ર સૃષ્ટિના અસ્તિત્વની વાત છે.

લાચાર બન્યો ઈશ આગળ માનવી જૂઓ,

અહમથી હેઠે ઉતરેલા માનવીની આ વાત છે.