આ શહેરમાં

આ શહેરમાં,

હંમેશા પ્રદૂષિત હવા શ્વસું હું,

જેના કારણે ફૂલોની ફોરમ ભૂલું છું.

આ શહેરમાં,

ઘણીવાર બસ-ટ્રેનમાં મુસાફરી કરું હું, 

પરંતુ ક્યારેક જ લાંબી લટાર માણું છું.

આ શહેરમાં,

ઘણીવાર પુષ્પગુચ્છ ખરીદુ હું,

અફસોસ, ચમનની બહારથી વંચિત છું.

આ શહેરમાં,

પ્રાણીબાગ 'ને સંગ્રાહલય જોવા જાઉ હું,

કિંતુ પંખીનો માળો ક્વચિત જોઉ છું.

આ શહેર માં,

સમયના કાંટે ભાગુ હું,

તો પણ જીવન જીવવાનું ભૂલ્યો છું.