આ કળિયુગમાં

આ કળિયુગમાં હાજરાહજુર એક દેવી જોયા,      

ચેહર મા સિવાય બીજું કોઈ નથી;

સૂરજ સમા તેજ છે માવડી ના,

ચંદ્ર જેવી શિતળતા છે;    

એ તો ચેહર મા છે એ વિણ કોઈ નથી...

આકાશમાં જેટલા તારા છે,

એટલા જ ધરતી ઉપર મા નાં સેવકો છે;

આખાં વિશ્વમાં ડંકો વાગ્યો છે,

હાથ કંગન ને આરસી શું ?

અટકળો છોડી દો બધીજ;

આરતીમાં અનેરું રૂપ છે,           

એકવાર આરતી ભરી એકડાને ઘૂંટી જુઓ,

ચેહર મા જેવુું તો કોઈ નથી.

ભાવના મૂંઝવણ હવે ક્યાં છે,

દર્શન કરવાથી અંધારું દૂર થાય છે;

જીવનમાંથી દુઃખ તો ફરરર ફર ઊડી જાય છે,      

ચેહર મા ને સથવારે સુખી થવાય છે,

દુનિયામાં શોધ્યું ઘણું,

પણ‌ ચેહર મા જેવું તો કોઈ નથી.