આ દરિયો
આ દરિયો
અવનીના દિલે હેતથી લહેરાય છે આ દરિયો,
ઘણું સંઘરીને દિલમાં બેઠો છે એ આ દરિયો.
શૈલપુત્રી સરિતા સ્નેહે સ્વીકારાય આ દરિયો.
સરિતા સંગે ભળી એકરૂપ રહે એ આ દરિયો.
'કાઈનેટિક' જેવું જહાજ ડૂબાડયું આ દરિયો,
'વીજળી' સો દુલ્હાને સમાવ્યા એ આ દરિયો.
ઊંચા ઊંચા પહાડ ડૂબે એવો છે આ દરિયો,
ખનીજે ભર્યો એવો ભંડાર છે એ આ દરિયો.
જળ જીવતરનો જે તારણહાર છે આ દરિયો,
ધરા જીવતરને કદી ના જ સહે એ આ દરિયો.
સોનાની શ્રદ્ધેય દ્વારિકા ડુબાડી છે આ દરિયો,
નવ રસ ભરી ભરી સબરસ દે એ આ દરિયો.
ધરા ગગનના દિલે પ્રેમની આહટ આ દરિયો.
નભનાં આંસુ વરસાદ બની આવે આ દરિયો.
'મૃદુ'ના દિલે શબ્દગાથા બને છે આ દરિયો,
હરેક કિનારે લહેર બની પથરાય આ દરિયો.