"Beqasoor Ishq",

Woh chhor gaye hum ko tanha, khud shaad-o-aabaad ho kar
Humein barbaad kar ke, bane khud aabaad ho kar

Poocha kisi ne, sabab kya hai is tanhaayi ka
Maine kaha, qasoor sirf beqasoori hai mera 
Bewafa na the hum, jurm faqat gareebi hai mera
Chaaha tha us ko sab se pray ho kar
Ab zakhm dikhao kis ko? zakhmi ho kar

Main un saudagaron se yeh poochti hoon
Kya kabhi dilon ka bhi sauda hua hai  

Main un jadoogaron ka sail bhi hoon
Kya koi jaadu ishq se bada bhi hai

Chaaha tha us ko sab se pare ho kar
Ab zakhm sunaaoon kis ko, zakhmi zakhmi ho kar

Woh samjhe shayad ishq nahi faqat dil-lagi hai
Woh samjhe shayad khat nahin, faqat kaaghaz hi hai

Fana ho gay main us ki mohabbat mein
Na koi yaar raha, na koi yaad raha
 
faqat us ki mohabbat mein ,
faqat us ki mohabbat mein

Woh chhor gaye hum ko tanha, khud shaad-o-aabaad ho kar
Humein barbaad kar ke, bane khud aabaad ho kar