ఉంగా ఉంగా..

మది సంతసంబున

వేల పూవుల రెక్కలు విచ్చుకున్నట్లు

పసి పాప చిన్ని కన్నులు

తెరిచీ తెరువనట్లు

దోమ తెర వెనుక తల్లి ఎక్కడ ఉన్నదో అని

కదలడానికి ప్రయత్నించి

ఇక సాధ్యపడక

ఉంగా ఉంగా అని

అమృత మాధురి కలిపిన శబ్దము సేయ

అచ్చెరు వొంది

బిడ్డను గుండెకు హత్తుకుని

పాలిచ్చి మరిపించు తల్లికి

ఆ బిడ్డ సేయు శబ్దములు

వేల గాయకులు

బిళహరి, సింధు భైరవి రాగాలలో 

సాగించు ఆలాపనల కన్నా మిన్నయే కదా

పాలు తాగిన తరువాత

దిష్టి తీసి

చిన్ని నీ బొజ్జకు శ్రీరామ రక్షయని

తల్లి సేయు ఆశీర్వాదము

భగవంతుని సైతము మురిపించునే

అట్టి మాతృత్వమునకు నమస్సుమాంజలి..