తెలుగోళ్ళమయ్య

ॐॐॐ

కం..

తెలుగుకు వెలుగును దేవర

తెలుగును సతతము విదేశ తేజమునౌగాన్

తెలుగును మరువక మఱువపు

తెలుగును మన వారసులకు దెల్పుమ దయతో!1

కం.. 

తెలుగున తీయని భావము

తెలుగది మాత్రం బునిచ్చు:: తెలియన్ జదువన్

తెలుగును కావ్యము లందున్

తెలుగు జిలుగులే మెరిసెను దేవుని యాజ్ఞన్!! 2

కం.. 

తెలుగుకు మ్రొక్కెద నెప్పుఁడు

తెలుగదియేజాతిభాష తేటతె ల్లంబున్ 

తెలుగున సమర్ధత గలదు

తెలుగును నిలుపరె జనులు విదేశము లందున్!! 3

కం.. 

తెలుగై వచ్చిన జన్మము

తెలుగే తెచ్చినది మాన్యతేకనగా మా

తెలుగే లోకము మెచ్చెను

తెలుగు తనంబునకు లోటు తేవద్దయరో..! 4

కం.. 

తెలుగున ముచ్చట లాఁడుము

తెలుగున వాక్యమును వ్రాయు తెలివిని గొనుమా

తెలుగున సభ్యత నెక్కువ 

తెలుగున కీయంగ కీర్తి తేకువ గల్గున్!! 

✍️చావలి బాలకృష్ణవేణి 

   29, 08, '24