வயதான காதல்

வயதான காதல், 

சற்றே வித்தியாசமான தலைப்பு, 

இன்றைய காலத்தில் எவரும் கண்டு கொள்ள மறுக்கும் கதை, 

அவர்களை புரிந்து நடந்து கொள்பவர்கள் மிக குறைவு, 

ஆனால் அவர்களில் நாம் தெரிந்துக் கொள்ள, 

புரிந்து நடந்து கொள்ள, 

அனுபவங்களை பகிர்ந்துக் கொள்ள நிறைய உண்டு, 

அவர்களின் பேச்சில், 

வார்த்தைகளை கையாளும் விதத்தில், 

அன்பை உணர்த்துவதில், 

ஆலோசனை சொல்வதில், 

பிரச்சனைகளை எதிர் கொள்வதில், 

முன்னெச்சரிக்கை செய்வதில், 

ஒருவர் மற்றவரை கவனிப்பதில், 

அவர்கள் இடும் சண்டையில், 

தனக்கானவர்களை எவரிடமும் விட்டுக் கொடுக்காமல் பேசுவதில்,

இவையாவும் அவர்களின் சின்ன அசைவுகளில், 

அவர்களின் கண் அசைவுகளில், 

அவர்களின் புன்னகையில் வெளிப்படும், 

அவ்வளவு எளிதில் மற்றவர்களால் புரிந்துக் கொள்வது கடினம்,  

இருந்த போதிலும் அவர்களுக்கு தேவைப்படுவது நம்மிடமிருந்து உண்மையான அன்பு,

நம்முடன் செலவிட நேரம்,

அதை தான் பலரும் அவர்களுக்கு கொடுப்பதில்லை,

அதற்கு பதிலாக தனிமையை அவர்களுக்கு பரிசாக கொடுத்து விடுகிறார்கள்.....