ଅପେକ୍ଷାରେ ଏକା ଏକା

ହୃଦୟର ରାଜା ଦିଅନାହିଁ ସଜା

ମୁଁ ' ତୁମ ପ୍ରେମର ଜ୍ୟୋତି ,

କରିଚି ପ୍ରତୀକ୍ଷା ସାଜିନି ବିପକ୍ଷା

ସାଇତି ରଖିଚି ସ୍ମୃତି !1!

ହୃଦୟ ମନ୍ଦିରେ ପ୍ରେମ ଘଣ୍ଟି ବାଜେ

ତୁମ ନାମ ଗାଇ ଗାଇ ,

ମନ ଆକାଶରେ ତୁମ ଛବି ଭାସେ

କେମିତି ଭୁଲିବି ମୁଇଁ !2!

ବିରହ ବେଦନା ଦଉଚି ଯାତନା

ଆଖିରୁ ଝରୁଚି ଲୁହ ,

ତୁମେ ଧନମନ କାହିଁକ ବୁଝୁନ

ହୃଦୟେ ବଢୁଚି କୋହ !3!

ରାତି ପରେ ଦିନ ଗଣୁଚି ମୁଁ'ଧନ

ଅପେକ୍ଷାରେ ଏକା ଏକା ,

ରଖିଚି ମୁଁ' ଆଶା ଫେରିବ ସହସା

ନାଇବି ସିନ୍ଦୁର ଶଙ୍ଖା !4!

ପ୍ରଥମ ପ୍ରେମର ଅଲିଭା ଏ'ଦୀପ

ତୁମ ହସ୍ତେ ସମର୍ପଣ ,

କାହିଁକି କେଜାଣି ଗଲ ହେ'ଦୂରେଇ

ଅସୁଜା ଅଛି ମୋ' ଋଣ !5!

ପ୍ରେମପୂଜାରିଣୀ ଝୁରୁଚି ମୁଁ' ନିତି

ସ୍ମୃ୍ତିକୁ ସାଉଁଟି ଧରି ,

ନୂଆ ରଙ୍ଗ ଦେଖି ପଥ ହୁଡ଼ିଲକି ?

ବିଶ୍ଵାସରେ ବିଷ ଭରି !6!

ପ୍ରତୀକ୍ଷାର ଅନ୍ତ ଘଟିବ ନିଶ୍ଚୟ

ରଖିଚି ମୁଁ' ଦୃଢ଼ ଆଶା ,

ଆଶା ବିଶ୍ଵାସରେ ଅଛି ଭରସାରେ

ମହକିବ ପ୍ରେମ ବସା !7!

ପ୍ରେମର ପ୍ରେମୀକ ସ୍ମୃତି ରୂପାଜହ୍ନ

ହୃଦୟ ସଙ୍ଗାତ ମୋର ,

ଆସ ପ୍ରିୟ ଫେରି ଦୂରେଯିବା ଉଡି

ଅଜାଡିବି ପ୍ରୀତି ନୀର !8!

ସଦା ନନ୍ଦ ସାହୁ ,

ଧୁରୁଷିଆ , ଆଠଗଡ଼ , କଟକ ,