ମହନୀୟ ବଳିଦାନ
ମହନୀୟ ବଳିଦାନ
ଚିରବନ୍ଦନୀୟ ହେ'ବାଜି ରାଉତ
କୋଟି କୋଟି ପ୍ରଣିପାତ ,
ଝୁରୁଛି ଭାରତ ଝୁରୁଛି ଉତ୍କଳ
ହୃଦୟେ ସାଜିଛ ମିତ ! 1!
ଦେଶ ପ୍ରେମଭାବ ଅଶେଷ ବିଭବ
ତୁମେହିଁ ମାର୍ଗ ଦର୍ଶକ ,
ବାଳୁତ ବୟସେ ବଝିଥିଲ ସତେ
ପରାଧୀନ ଦୁଃଖ ଶୋକ !2 !
ଗୌରବଣିକର ଅନ୍ୟାୟ ଶାସନ
ପରଖି ଥିଲ ନିଶ୍ଚୟ ,
ଜନ୍ମମାଟି ପ୍ରୀତି ଥିଲ ହେ' ସରାଗି
ଦାନ ତବ ମହନୀୟ !3 !
କୌଳିକ ବୃତ୍ତିର ବିରଳ ନାବିକ
ସଂଘର୍ଷର ବରପୁତ୍ର ,
ବାଳୁତ ହୃଦୟ ସତରେ ବିଚିତ୍ର
ଛାତିପାତି ଦେଲ ସତ୍ୟ !4!
ଜନମ ସ୍ଥାନର ସରାଗ ଭୁବନ
ବ୍ରାହ୍ମଣୀର ତଟ ତୀର ,
ତବ କୃତି ଦାନ ନିଜର ମରଣ
ସ୍ମୃ୍ତିର ଲୋତକ ଧାର !5!
କରିବିନି ପାରି ଯିବିପଛେ ମରି
ଫେରିଯା' ଗୋରା ବଣିକ ,
ମୋ'ମାଟି ମାଆର ରଖିବି ସମ୍ମାନ
ତୁଉ ନୁହେଁ ସୁ-ଶାସକ !6!
ମୋ' ଟିକି ବୁଦ୍ଧିରେ ବୁଝିଛି ସତରେ
ଆସିଛ ଆମକୁ ଲୁଟି ,
ଗୋତି ଖଟାଇବ ପାଉଣା ନଦେବ
ମାରିବ ଆମକୁ ପିଟି !7!
ନଦୀ ଆରପାରି କରିବିନି ପାରି
ଏଇ ମୋ ' ଦୃଢ ନିଷ୍ପତି ,
ମୁଁ ' ବାଜି ରାଉତ ହେଲେବି ବାଳୁତ
ହୃଦୟରେ ମାତୃ ପ୍ରୀତି !8!
ନାହିଁ ଭୟ ଭ୍ରାନ୍ତି ଦେବି ଛାତିପାତି
ମାରିଦେରେ ମୋତେ ଗୁଳି ,
ମୁଇଁ ମରିଗଲେ ଚେତିବରେ ଭଲେ ,
ଅଭିଶାପେ ଯିବ ଜଳି !9!
ସଦାନନ୍ଦ ସାହୁ , ଧୁରୁଷିଆ , ଆଠଗଡ଼ , କଟକ ,