ଧୋକା
ଧୋକା
1 min
7.3K
ଭାରି ଅଜବ ସତେ ଏ ଧୋକାର ପଦ୍ଧତି,
ଅଳ୍ପେ ବହୁତେ ସଭିଙ୍କର ଅଛି ଏ ଅନୁଭୂତି।
ପ୍ରେମ ଓ ବିଶ୍ଵାସର ଡୋର ଛିଣ୍ଡେ ଯେଉଁଠି,
ସେଇଠୁ ଆରମ୍ଭେ ଯେ ଏହାର ବ୍ୟୁତ୍ପତି।
ଲୋଭ,ମୋହ,ଆଶଙ୍କା ଏହାର ଚିର ସାଥି,
"ଧୋକା"ର ମୂଳଦୁଆ ଏମାନେ ହିଁ ସ୍ଥାପନ୍ତି।
ଏହା ଆଣେ କେବଳ ପ୍ରଳୟ ଓ ଅଶାନ୍ତି,
ଭାଙ୍ଗି ଦିଏ ସମ୍ପର୍କର ସବୁ ମୂଳଭିତ୍ତି।
ସୃଷ୍ଟିକରେ ଏହା ଏକ ଭ୍ରମର କୋଠି,
ନିରୀହ ବିଶ୍ଵାସ ପ୍ରାଣ ବଳି ଦିଏ ସେଠି।
ଏହା ଅବିଶ୍ଵାସର ପକାଏ ଜବର ଗଣ୍ଠି
ତାକୁ ଖୋଲିବାର ମିଳେନାହିଁ ଚାବିକାଠି।
ମାନ ଓ ଅଭିମାନର ଧିର ଅବସାନେ
ଆସେ ଯଦି ସେହି ଧୋକା ଛଳନା ଲେପନେ।
ଯୋଡେ ଯଦିଓ କିଛି ସମ୍ପର୍କ ପୁନଶ୍ଚ ସେ ତ,
ନପାଏ ଫେରି ପୁଣି ସେ ବିଶ୍ଵାସ ଅତୀତ।
ନିବେଦିତା ମିଶ୍ର