କଳା କହ୍ନେଇ
କଳା କହ୍ନେଇ
ମୟୂର ଚନ୍ଦ୍ରିକା ଜନ୍ମ ସ୍ମରଣିକା
କଳାରେ ନୈପୁଣ୍ୟ ସୁତ
ହେ ପ୍ରଭୁ ନନ୍ଦର ନନ୍ଦନ କୃଷ୍ଣ
ଦେବକୀର ଆଶା ପୁତ୍ର !
ଦୁଇଟି ଜନନୀ ସୌଭାଗ୍ୟା ନନ୍ଦିନୀ
ଯଶୋଦା ଦେବକୀ ମାତା
ଜନମ ପାଳନ କଲେ ଭିନ୍ନ ଭିନ୍ନ
ଆହା କି ଏ ଧର୍ମ ବାର୍ତ୍ତା !
କାରାଗାରେ ବନ୍ଦୀ ଅଭାଗୀ ଦେବକୀ
ପରାକ୍ରମୀ ଭ୍ରାତା କଂସ
ନିଷ୍ଠୁର ଭ୍ରାତାର ଏକି ଅବିଚାର
ଭଗ୍ନୀ ଗର୍ଭ ହେଉ ନାଶ !
ଶୂନ୍ୟ ବାଣୀ ସତ୍ୟ ଭାଳି ହୁଏ କଂସ
ନାଶ ଯିବ ଶିଶୁ ହସ୍ତେ
ସେ ଶିଶୁ ଭଣଜା ଭଗିନି ଗର୍ଭଜା
ଅଷ୍ଟମେ ଆସିବ ମର୍ତ୍ତ୍ୟେ !
ପିତା ବସୁ ଦେବ ଭୋଗେ ସମ ଦୁଃଖ
ପତ୍ନୀ ସଙ୍ଗେ କାରାଗାରେ
ଜନମ ଲଭିଲେ କଳାକାହ୍ନୁ ବାରେ
ନେଇ ଯିବ ଗୋପନରେ !
ଜନମ ବୃତାନ୍ତ ଚିର ସ୍ମୃତି ମୟ
କୃପାମୟ ପ୍ରଭୁ ଇଚ୍ଛା
ବାସୁକି ନାଗର ସୁରକ୍ଷା କବଚ
ବାସୁର ମସ୍ତକେ ଛତା !
ଝଡ଼ି ବରଷା ରେ ନିଶାର୍ଦ୍ଧ ରାତ୍ରୀରେ
ଜନମିଲ ପ୍ରଭୁ ତୁମେ
ମାଆ ଦେବକୀ ର ତୁମେ ଚିର ହସ
ପିତା ବସୁଦେବ କର୍ମେ !
ନନ୍ଦ ରାଜା ଘରେ ମୁର୍ଚ୍ଛି ସେ ଆସିଲେ
ବିଜୁଳି କନ୍ୟାକୁ ନେଇ
ସେ ବିଜୁଳି କନ୍ୟା ଆକାଶରେ ଧନ୍ୟା
କଂସର ଚେତନା ଦ୍ଵେଷୀ !
ହେ ବ୍ୟଭିଚାରୀ ପିତୃ ନିନ୍ଦାକାରୀ
ସଅଳେ ତୁ ଯିବୁ ତରୀ
ଗୋପରେ ବଢୁଛି କଳା କହ୍ନେଇରେ
ପୁଷ୍ପ ପ୍ରୀତି ଭାର ଧରି !
ସଦାନନ୍ଦ ସାହୁ ; କାରା କର୍ମଚାରୀ
କେନ୍ଦ୍ରୀୟ କାରାଗାର ;କଟକ ;ଚୌଦ୍ୱାର