ପ୍ରେମ
ପ୍ରେମ
1 min
6.7K
ଭଲ ପାଇବାରେ ନଥାଏ ସକାଳ
ନଥାଏ କେବେ ବି ରାତି
ଦେଖା ଯାଏ ନାହିଁ ରଙ୍ଗ କଳା ଧଳା
କିମ୍ବା ଜାତି ଅଜାତି ।
ପ୍ରେମ ଥରେ ହେଲେ ହୃଦୟ ତଟରେ
ଗଗନ ଛୁଅଁଇ ମନ
ଭୋକ ଶୋଷ ସବୁ ଦୂରେଇ ଯାଆନ୍ତି
ଦିନରେ ଆସଇ ସ୍ୱପ୍ନ ।
ସୁଖର ପିଆଲା ଭର୍ତ୍ତି ହୋଇଯାଏ
ଦୁଃଖ ଯାଏ ଅପସରି
ଦିଗନ୍ତ ଉହାଡୁ ସୁନେଲି କିରଣ
ଧୀରେ ଧୀରେ ଆସେ ଝରି ।
ମନ ହୋଇଯାଏ ସ୍ୱପ୍ନିଳ ସ୍ୱପ୍ନିଳ
ଝରେ ଚନ୍ଦନର ବାସ୍ନା
ସେ ପ୍ରୀତି ଗଙ୍ଗାରେ ସ୍ନାନ କଲେ ଥରେ
ହୃୃଦୟୁ ମେଣ୍ଟଇ ତୃଷ୍ଣା ।
***ମମତା ମଞ୍ଜରୀ ଦାସ ,କଟକ***