ଅଳି ଗୁଞ୍ଜନେ

                     

ଅଳି ଗୁଞ୍ଜନେ

========

ଅଳିର ଗୁଞ୍ଜନେ                    ଶୁଣେ ମୁଁ ତୁମର

          ଓଁକାର ନାଦର କମ୍ପନ ।

କଳିର ମୁଦ୍ରିତ                    ରୂପରେ ଦେଖେ ମୁଁ

        ତୁମ ସୌମ୍ୟ ଶାନ୍ତ ଵଦନ ।।

 

ଅଶାନ୍ତ ସାଗର          ଢେଉରେ ଶୁଣେ ମୁଁ

         ମହା ପ୍ରଳୟର ଗର୍ଜନ ।

ଲେଲିହାନ୍ ଅଗ୍ନି          ଶିଖାରେ ଦେଖେ ମୁଁ

        ତୁମର ତୃତୀୟ ନୟନ ।।

 

ଅନନ୍ତ ଆକାଶ          ନୀଳିମାରେ ଦେଖେ

      ନୀଳକଣ୍ଠ ତୁମ ସୁନ୍ଦର ।

ପା°ଶୁଳ ଏ ଧରା      ରଙ୍ଗେ ଦେଖେ ତୁମ

        ଭସ୍ମ ଅଙ୍ଗରାଗ ଶରୀର ।।

 

ହିମାଦ୍ରୀର ଶୁଭ୍ର                    ଶିଖରେ ଶୋଭଇ

         ତୁମ କୈଳାସ କନ୍ଦର ।

ସେ କନ୍ଦରେ ଧ୍ୟାନେ             ଵସି ଜାଣୁଅଛ

          ସାରା ଜଗତର ଖବର ।।

 

ହେ ସ°ସାର-ସାର      ଆହେ ମହେଶ୍ୱର

         ବିଶ୍ୱ ଆଦ୍ୟ ବିଶ୍ୱ କାରଣ

ଝରୁଥାଉ ତୁମ             ଆଶୀଷର ଧାରା

         ବିଶ୍ୱ ବନ୍ଦେ ତୁମ ଚରଣ ।।

        **********