ଆସ ହେ ' ବଡବଡୁଆ
ଆସ ହେ ' ବଡବଡୁଆ
ଶୁଭ ଲଗନରେ ପ୍ରୀତି ପରଶରେ
ଆସ ହେ ବଡ଼ ବଡୁଆ ,
ତଵ ପ୍ରତୀକ୍ଷାରେ ଆଶା ଆକାଂକ୍ଷାରେ
ତୁଣ୍ଡେ ଭାସେ ତଵ ନାଁଆ ! !
ଅମା ଅନ୍ଧକାର ପ୍ରୀତି ସୌହାର୍ଦ୍ଦ୍ୟର
ହସ୍ତେରେ ମଶାଲ ବତୀ ,
ସରଗପୁର ରୁ ଆସ ଆହେ ଗୁରୁ
ସମ୍ପର୍କେ ବଢିବ ପ୍ରୀତି ! !
ଆଲୋକ ପ୍ରଦୀପ ସୌଭାଗ୍ୟ ବିଜୟ
ସମୃଦ୍ଧିର ଭବ୍ୟ ଛବି ,
ଏଇ ଭାରତରେ ଦିବ୍ୟ ଚେତନାରେ
ମହା ଅନୁଭବେ କବି ! !
ଶୁଭ ଦୀପାବଳି ସଂସ୍କୃତି ବିଭବି
ପ୍ରତି ଜନ ପ୍ରାଣ ମୋହେ ,
ବରଷକେ ଥରେ ଆସେ ସରାଗରେ
ହୃଦୟର କଥା କହେ ! !
ପରମ୍ପରାଗତ ପରବ ଏସତ
ପୂର୍ବଜ ସ୍ମୃତିର ପ୍ରୀତି ,
ବଡ଼ ବଡୁଆଙ୍କ ମର୍ତ୍ତ୍ୟ ଆଗମନ
ଜଳି ଉଠେ ଅର୍ଘ୍ୟ ବତୀ ! !
ପୁରାଣ ବର୍ଣ୍ଣିତ କାହଣୀ ପ୍ରତୀତ
ସ୍ଵର୍ଗାଲୋକେ ପୂଜ୍ଜ୍ଯାଷ୍ପଦ ,
କୁହୁକର ପେଡ଼ି ଖୋଲିଛି ଭାରତୀ
ପ୍ରଥା ପରମ୍ପରା ସିଦ୍ଧ ! !
ପିଷ୍ଟକ ମିଷ୍ଟକ ଦୀପାବଳି ମିତ
କୁଳ ବଧୂ ପରାକାଷ୍ଠା ,
ସ୍ଵହସ୍ତେ ଗଢଇ କାକରା ଆରିଶା
ତ୍ୟାଗପୂତ ତା'ର ନିଷ୍ଠା ! !
ଶୁଭ ଆଶିର୍ବାଦ ଦିଅ ହେ ପୂର୍ବଜ
ଆମ୍ଭେ ତଵ ଅଂଶୀଦାର ,
ସୌଭାଗ୍ୟ ବିଜୟ ହୋଇଲେ ଆମ୍ଭର
ଝରିବ ଅମୃତ ନୀର ! !
ମହା ଆଲୋକରେ ଆସିବ ଭାସ୍କରେ
ଦୀପାବଳି ଖ୍ୟାତି ପାଇଁ ,
ଝୋଟିଚିତା ଆଙ୍କି ରହିଚି ମୁଁ ଚାହିଁ
ଉପବାସେ ହେ' ଗୋସାଇଁ ! !
ମାଆ ମହା କାଳି ସୁଖ ଦିଅ ଢାଳି
ତୁମ୍ଭରି ଆଶ୍ରିତ ଆମ୍ଭେ ,
ଏ ମର୍ତ୍ତ୍ୟ ପୁରରେ ତଵ ନାମ
ଭାସେ ଭକତି କରୁଚି ସର୍ବେ ! !
ଆଲୋକର ପର୍ବ କରିବ ଦହନ
ଗର୍ବ ଅହଂକାର ହିଂସା ,
ସଂପର୍କର ଭାବ ହେବତ ବଳିଷ୍ଠ
ଦୁରୀଭୂତ ହେବ ଈର୍ଷା ! !
ହେ ବଡ଼ ବଡୁଆ ସ୍ମୃତିର ଦୁନିଆଁ
ଜଗତର ସ୍ନେହିଁ ବନ୍ଧୁ ,
କର ଫୁଲ ବୃଷ୍ଟି ସରଗୁ ନିକ୍ଷେପି
ତୁମ୍ଭେ ପରା କୃପାସିନ୍ଧୁ ! !
ସଦାନନ୍ଦ ସାହୁ,
କାରା କର୍ମଚାରୀ ,
କେନ୍ଦ୍ରୀୟ କାରାଗାର , କଟକ , ଚୌଦ୍ଵାର