କାର୍ତ୍ତିକ ମାହାତ୍ମ୍ୟ

କଳିଙ୍ଗ ଉତ୍କଳେ ସମୃଦ୍ଧିଯେ ହସେ

ପୂରୁବ ସ୍ମୃତିକୁ ଭାବି ,

ନିଆରା ମହକ ମାଟିର ସଅକ

ସଂସ୍କୃତି ବିଭବ ଛବି ! !

ଏମହା କାର୍ତ୍ତିକ ଧରମ ବିଶେଷ

ଓଡ଼ିଆ ହବିଷ ମାସ ,

ଧରମ କରମ ସବୁତ ନିହିତ

ମନ ପ୍ରାଣେ ଭକ୍ତି ରସ ! !

ଇତିହାସ କହେ ଜମା ମିଛ ନୁହେଁ

ସାଧବ ରୋଚକ ଗାଥା ,

ଧନ ଧାନ୍ଯେ ପୁର୍ଣ୍ଣ ଥିଲା ଏଉତ୍କଳ

ସ୍ଵର୍ଣ୍ଣ ଆଭୁଷଣେ ମଥା ! !

ବାଣିଜ୍ୟେ ବଣିକ ସାଧବର ସୁତ

ବୋଇତର ଅଧିପତି ,

ପଣ୍ୟ ଦ୍ରବ୍ୟ ନେଇ ବିଦେଶ ଯାଆନ୍ତି

ଦରିଆରେ ବିତେ ରାତି ! !

ସାତ ସାଧବକୁ ସାତ କୁଳ ବଧୂ

ବିତ୍ତୀୟ ଏ ପରମ୍ପରା ,

ଅର୍ଘ୍ୟ ଥାଳି ଧରି ବନ୍ଦାପନାକରି

ଦିଅନ୍ତି ମେଲାଣି ପରା ! !

ଶଙ୍ଖ ହୁଳହୁଳି ପଡଇ ଉଚ୍ଛୁଳି

ବୈଭବ ଦରିଆ କୁଳ ,

ସାଧବ କୁଳର ସାତ ସାଧବାଣି

ସମର୍ପନ୍ତି ପ୍ରୀତି ଜଳ ! !

ଶୁଭ ଅବକାଶ ବାଣିଜ୍ୟ ବିଭବ

କାର୍ତ୍ତିକ ମାହାତ୍ମ୍ୟ ସତ୍ୟ ,

ପାଳୁଛି ଓଡ଼ିଆ ପରବ ବଢିଆ

ଭକତିରେ ଥାଇ ନିତ୍ୟ ! !

ଉତ୍କଳର ସୁତ ବାଣିଜ୍ୟ ଜନକ

ବିଦେଶେ ଅର୍ଜିଛି କିର୍ତ୍ତୀ ,

ଜାଭାକି ସୁମିତ୍ରା ସିଂଘଳ ଶ୍ରୀଲଙ୍କା

ସବୁଠାରେ ତା'ର ଖ୍ଯାତି ! !

ଆକାମା ବୈଇ ପାନଗୁଆ ଥୋଇ

ସମର୍ପଣେ ପାନଗୁଆ ,

ମାସକର ଧର୍ମ ହୋଇଯାଉ ମୋର

ଦୁନିଆଁଟା ଲାଗୁ ନୂଆ ! !

କଦଳୀ ପାଟୁଙ୍ଗା ଶୋଲ ଗଢା ଡଙ୍ଗା

ଭାସିଯା ବିଭବ ସ୍ମୃତି ,

ମହମ ପ୍ରଦୀପ ଅବା ଘୃତଦୀପ

ଆଲୋକ ବର୍ତିକା ପ୍ରୀତି ! !

ସଦାନନ୍ଦ ସାହୁ , କାରାକର୍ମଚାରୀ ,

କେନ୍ଦ୍ରୀୟ , କାରାଗାର , କଟକ ,

ଚୌଦ୍ଵାର ! ph- 9776184548